„ევროპული საქართველო“ მთავარ პროკურორს ირაკლი შოთაძე პარლამენტში იბარებს. როგორც ბიუროს სხდომაზე ელენე ხოშტარიამ აღნიშნა, ეს ის მომენტია, როდესაც პარლამენტი გადამწყვეტად უნდა ჩაერიოს ამ საქმეში. მან კიდევ ერთხელ მოითხოვა საგამოძიებო კომისიის შექმნა.

ელენე ხოშტარიას განცხადებით, მთელი ამ ხნის განმავლობაში ზაზა სარალიძე საუბრობდა იმაზე, რომ პროკურატურა ხელს აფარებდა კონკრეტულ ადამიანებს და დღეს სასამართლომ დაადგინა, რომ მისი შვილის მკვლელი არ არის დაკავებული.

„პირდაპირ სილა გააწნა ამ ადამიანს პროკურატურამ რომელმაც უთხრა რომ შენი შვილის მკვლელი ბუნებაში არ არსებობს,“-განაცხადა ელენე ხოშტარიამ.