„ეს არ არის ის ტრაგედია, რომელიც დაიტია რამდენიმე ოჯახმა, ეს არის ის საქმე, რომელიც დარწმუნებული ვარ ერთნაირად გვაღელვებს ყველას,“-ეს განაცხადა ეკა ბესელიამ პარლამენტის სესიაზე სიტყვით გამოსვლისას გააკეთა. იურიდიული კომიტეტის თავმჯდომარემ საგამოძიებო კომისიის შექმნის სამართლებრივი მხარეები განმარტა და აღნიშნა, რომ პარლამენტი ვერ იდგება მეორე მხარეს, როდესაც შვილმკვდარი მამა საკანონმდებლო ორგანოს დახმარებას სთხოვს.

„ჩვენ ვერ ვიდგებით მეორე მხარეს, როდესაც ჩვენი მოქალაქე, დაზარალებული, შვილმკვდარი მამა, შვილმკვდარი დედა ტკივილით დატვირთული ადამიანი, როდესაც გვეუბნება, რომ ხელი გამოგვიწოდე. ჩვენ ვართ ის ხელისუფლება, რომელიც მოვედით ხელისუფლებაში ადამიანის ტკივილის, ადამიანის უფლების დაცვის და სამართლიანობის დაცვის პრინციპის გაცხადებით,“-განაცხადა ეკა ბესელიამ.

ეკა ბესელიამ აღნიშნა ისიც, რომ ის წინააღმდეგი იყო, რომ მას სასამართლო გადაწყვეტილების გამოტანამდე საგამოძიებო კომისია შექმნილიყო თუმცა ამ გადაწყვეტილების შემდეგ, როცა სასამართლომ ღიად დასვა კითხვა ვინ ჩაიდინა მკვლელობა, დადგა საჭიროება, რომ საკანონმდებლო ორგანომ გამოთქვას მზაობა და პასუხისმგებლობა.