საჰაერო სივრცით სარგებლობისას უწყებებს შორის მოქმედებათა ეფექტური კოორდინაციის უზრუნველყოფის ხელშეწყობის მიზნით ეროვნულ კანონმდებლობაში ევროპული რეგულაციების დანერგვა იგეგმება.

სამოქალაქო ავიაციის სააგენტოს ინფორმაციით, საჰაერო სივრცით მოქნილი სარგებლობის შესახებ საჰაერო კოდექსში შესატანი ცვლილებისა და მთავრობის დადგენილების წინასწარი პროექტები სამოქალაქო ავიაციის სააგენტოს მიერ უკვე შემუშავებულია. ამ ეტაპზე მიმდინარეობს ტექნიკური კონსულტაციები თავდაცვის, ეკონომიკისა და მდგრადი განვითარების სამინისტროების, საქაერონავიგაციის, სააგენტოს სპეციალისტებსა და ევროპელ პარტნიორებს შორის. ეროვნულ კანონმდებლობაში ინიცირებული ცვლილებების განხილვის მიზნით, მორიგი შეხვედრა EUROCONTROL-ის ექსპერტებთან 25 ნოემბერს გაიმართა.

საუბარია ,,ერთიანი საჰაერო სივრცის შესახებ საქართველოს და ევროკავშირსა და მის წევრ სახელმწიფოებს შორის“ შეთანხმებით გათვალისწინებული შემდეგი რეგულაციების დანერგვაზე:

• ევროპის პარლამენტისა და საბჭოს 2004 წლის 10 მარტის N551/2004 რეგულაცია ერთიან ევროპული საჰაერო სივრცეში საჰაერო სივრცის ორგანიზების და გამოყენების შესახებ (საჰაერო სივრცის რეგულაცია)
• ევროპის პარლამენტისა და საბჭოს 2005 წლის 23 დეკემბრის N2150/2005 რეგულაცია - საერთო მოთხოვნები საჰაერო სივრცით მოქნილი სარგებლობის შესახებ.

აღნიშნული რეგულაციების დანერგვა ხელს შეუწყობს საჰაერო სივრცით სარგებლობისას უწყებებს შორის ეფექტურ კოორდინაციის უზრუნველყოფას, ქვეყნის საჰაერო მოძრაობის ორგანიზებაში უსაფრთხოების ზედამხედველობის ხარისხის გაუმჯობესებას და ევროპული სტანდარტების შესაბამისი სააერნაოსნო მომსახურების გაწევას. სააგენტოს მიერ ინიცირებული ცვლილებები ითვალისწინებს ქვეყანაში მაღალი დონის საჰაერო სივრცის პოლიტიკის ეროვნული კომიტეტის დაფუძნებას, სამოქალაქო და დამხედრო საჰაერო მოძრაობის ორგანოებს შორის საოპერაციო პროცედურების შემუშავებასა და განახლებას.

EUROCONTROL-ის ექსპერტთან გამართული ტექნიკური კონსულტაციის ფარგლებში მხარეებმა განიხილეს კომიტეტის შემადგენლობასთან, ფუნქციებთან, ამ ფუნქციების შესრულებასთან, შესაბამის საერთაშორისო მოთხოვნებთან და საუკეთესო პრაქტიკასთან დაკავშირებული საკითხები, იმსჯელეს ამ მიმართულებით უწყებების მიერ განსახორციელებელ ქმედებებზე და დაგეგმილ შეხვედრებზე.

საჰაერო სივრცით მოქნილი სარგებლობის შესახებ საჰაერო

კოდექსში ცვლილებების მიღება და მთავრობის დადგენილების ამოქმედება 2016 წელს იგეგმება.