ზვიად კუპრავამ საქართველო დატოვა
გავრცელდა ინფორმაცია, რომლის მიხედვითაც, უფლებადამცველმა ზვიად კუპრავამ ქვეყანა დატოვა. კუპრავამ "ჯი-ეიჩ-ენს" დაუდასტურა, რომ ის ამჟამად საქართველოში არ იმყოფება. თუმცა, კითხვებზე, სად და რამდენი ხნით არის წასული, პასუხის გაცემა არ ისურვა.
როგორც ის აცხადებს, აღნიშნულ საკითხზე განმარტებებს ხვალ, კამერების წინ უკვე საქართველოში გააკეთებს.
იმყოფება თუ არა ის საქართველოს ყოფილ პრეზიდენტთან, მიხეილ სააკაშვილთან კონსულტაციაზე, ის პასუხობს, რომ ამაზე კომენტარს ხვალამდე ვერ გააკეთებს.
