ანკარა დასავლეთს მოუწოდებს ყირიმის ანექსია არ დაავიწყდეს
თურქეთის საგარეო საქმეთა მინისტრმა მევლუთ ჩავუშოღლუმ ევროპის ქვეყნები გააკრიტიკა, რომლებიც მისი აზრით, ყირიმის საკითხს ნაკლებ ყურადღებას უთმობენ.
„თურქეთი არც ახლა და არც მომავალში არ აღიარებს ყირიმს რუსეთის შემადგენლობაში“,- განაცხადა მინისტრმა. მისი თქმით, დასავლეთს ყირიმი მიავიწყდა. „თუ დღეს დაივიწყებთ ყირიმს, და ხვალ უკრაინას რამე დაემართება, პასუხისმგებლობა თქვენს კისერზე იქნება“, - აღნიშნა ჩავუშოღლუმ.
მანამდე თურქეთის პრეზიდენტმა რეჯებ ტაიპ ერდოღანმა რუსეთის მიერ ყირიმის შეერთებას, ანექსია უწოდა.
