ჩვენ გვინდოდა ტანდემის შემქნა ივანიშვილ ბურჭულაძისგან და მისი პოზიცია უნდა ყოფილიყო საპრეზიდენტო კანდიდატობა. გვქონდა გარკვეული საუბრები, მაგრამ სხვადასხვა მიზეზების გამო ეს ვერ შედგა-ეს განცხადება, ივანიშვილს ყოფილმა მრჩეველმა გია ხუხაშვილმა გააკეთა. ტელეკომპანია "იბერიის" ეთერში 2012 წლის საპარლამენტო არჩევნებისას პაატა ბურჭულაძესთან კოალიციაში შესვლასთან დაკავშირებით მოლაპარაკებებიპერიოდი გაიხსენა. შეხვედრებისას განხილული თემების დეტალებზე ხუხაშვილს გადაცემა "პრიორიტეტებში" არ უსაუბრია თუმცა თქვა, რომ ივანიშვილი ბურჭულაძეს პრეზიდენტობას სთავაზობდა.

ექსპერტის განცხადებით, მაშინ იყო ბრძოლის ეტაპი და სასწორზე იდო ყველაფერი. ხუხაშვილის თქმით, სწორედ ამიტომ ბურჭულაძემ ვერ გარისკა, დღეს კი ვითარება რადიკალურად შეცვლილია და რისკებიც კეთილდღეობის დაკარგვისა არ არსებობს.

"მას ჰქონდა გარკვეული კეთილდღეობის ხარისხი, რისკის ქვეშ დგებოდა , რომ მას ყველაფერი დაეკარგა. დღეს ასეთი რისკი არ არსებობს. ბუნებრივია ყველას ვერ მოვთხოვთ ჩვენ გმირობას, არც ვთვლიდი არასდროს რომ პაატა ბურჭულაძე გმირი იყო", -განაცხადა ხუხაშვილმა.