სოციალურ ქსელის Facebook-ის დამაარსებელი მარკ ცუკერბერგი ქველმოქმედებით დაკავდება. მისი თქმით, კომპანიის აქციების 99 პროცენტს ის საქველმოქმედო საქმიანობას მოახმარს. მისივე განცხადებით, აქციები, რომელსაც ის და მისი ცოლი ფლობენ, სპეციალურ საქველმოქმედო ფონდს ეტაპობრივად გადაეცემა. აქციების საერთო ღირებულება 45 მილიარდ დოლარს შეადგენს. ფონდი მძიმედ დაავადებულ ბავშვებს დაეხმარება.

წერილში, რომელიც ცუკერბერმა თავის ახლადშეძენილ ქალიშვილ მაქსს მიუძღვნა, შვილს უსურვებს გაიზარდოს იმ სამყაროში, რომელიც ახლანდელ მსოფლიოზე უკეთესი იქნება. ”ვცდილობთ მცირე წვლილი შევიტანოთ, რათა ეს მსოფლიო ყველა ბავშვისთვის იყოს. გავიღებთ Facebook–ში ჩვენი წილის 99 პროცენტს, რაც 45 მილიარდი დოლარს შეადგენს, რათა შევუერთდეთ სხვებს მომავალი თაობებისთვის მსოფლიოს გაუმჯობესებაში,“ – წერს ცუკერბერგი.

31 წლის ცუკერბერგი ყველაზე ახალგაზრდა მილიარდერად არის აღიარებული.