თბილისში ავტოსაგზაო შემთხვევის შედეგად 3 ადამიანი დაშავდა და 6 ავტომობილი დაზიანდა
თბილისში ავტოსაგზაო შემთხვევა მოხდა.
მტკვრის მარჯვენა სანაპიროზე ერთმანეთს რამდენიმე ავტომობილი შეეჯახა.
შემთხვევის შედეგად სამი ადამიანი დაშავდა, დაზიანდა 6 ავტომობილი.
დაშავებულები სასწრაფო სამედიცინო დახმარების ბრიგადებმა, საავადმყოფოში გადაიყვანეს. მათ მსუბუქი დაზიანებები აღენიშნებათ.
შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის პირველი ნაწილით დაიწყო, რაც სატრანსპორტო საშუალების ექსპლუატაციის წესების დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
