საფრანგეთის პრეზიდენტმა ემანუელ მაკრონმა ოფიციალური ცერემონიის დროს მოზარდს ზრდილობისკენ მოუწოდა. საფრანგეთში შარლ დე გოლის სიტყვით გამოსვლის 78-ე წლისთავი აღინიშნა.  

წელს ცერემონია ო-დ-სენის დეპარტამენტში გაიმართა. მისი დასრულების შემდეგ ცერემონიაზე დასასწრებად მისული საზოგადოებისკენ მისასალმებლად გაემართა.

მათ შორის იყვნენ სკოლის მოსწავლეები. ერთ-ერთმა პრეზიდენტს მიმართა; „როგორ ხარ, მანუ?“ „შენ შეგიძლია სულელურად მოიქცე, მაგრამ დღეს , როდესაც „მარსელიოზას“ ასრულებენ, მომმართე - „ბატონო პრეზიდენტო“, - უპასუხა მაკრონმა მოზარდს.

1940 წლის 18 ივნისს დე გოლმა ლონდონიდან თანამემამულეებს მიმართა და განაცხადა, რომ გერმანელებისა და იტალიელების მიერ საფრანგეთის ოკუპაციის შემდეგ ქვეყნისთვის ომი არ დამთავრებულა და მოსახლეობას წინააღმდეგობის მოძრაობაში ჩართვისკენ მოუწოდა.