ზვიად კუპრავა და მასთან ერთად დაკავებული კიდევ სამი პირი გაათავისუფლეს. კუპრავას თქმით, მათმა ბრძოლამ შედეგი გამოიღო და ხელისუფლება შეიცვალა, თუმცა როგორც ის აღნიშნავს, საბოლოო მიზანი მიღწეული არ არის.

„ბრძოლა სისტემის წინააღმდეგ გრძელდება. ზაზა სარალიძეს ვნახავ, ვისაუბრებთ, დავსახავთ სტრატეგიას, თუ როგორ გავაგრძელებთ ბრძოლას. ეს 14 დღე მე ვიყავი გახარია-ივანიშვილის პირადი პატიმარი. რა თქმა უნდა, ჩემი მხრიდან არანაირ დანაშაულს ადგილი არ ჰქონია. ცხადია, რატომ შედიოდა მათ მიზნებში ჩემი დაკავება. ჩემი დაკავების ერთადერთი მიზანი იყო ტემპერატურის და მუხტის დახშობა, რომელიც იყო რუსთაველზე“, – განაცხადა ზვიად კუპრავამ.

ზვიად კუპრავა და კიდევ სამი პირი საქართველოს პარლამენტის შენობასთან, აქციაზე დააკავეს. სასამართლომ მათ 14-დღიანი ადმინისტრაციული პატიმრობა შეუფარდა.