პატრიოტთა ალიანსის ლიდერი ირმა ინაშვილი ქართულ ოცნებას მიმართავს, რომ პარლამენტმა მიიღოს რეზოლუციის პროექტი, გიგა ბოკერიას და ევროპული საქართველოს სხვა ლიდერების წინაღმდეგ, სადაც ისინი მკვლელებად იქნებიან მოხსენიებულნი. ამის შესახებ განცხადება ირმა ინაშვილმა დღეს პარლამენტში ბიუროს სხდომაზე გააკეთა და ქართულ ოცნებას მხარდაჭერისკენ მოუწოდა.

„მწამებლები იძიებენ მკვლელობის საქმეს. ეს არის საოცარი რამე. თქვენ გინდათ, რომ პროკურორი გახდეს თქვენი კაცი, რათა თქვენი საქმეები გაანადგუროს, მაგრამ ამას ვერ ეღირსებით“ - მიმართა ირმა ინაშვილმა ბიუროს სხდომაზე მყოფს ზურაბ ჭიაბერაშვილს. 

თუმცა, მან ბიუროს სხდომაზე ინაშვილს პასუხი არ გასცა. ასევე უპასუხოდ დატოვეს ქართული ოცნების წარმომადგენლებმა ინაშვილის მათდამი პირადი მიმართვა, სადაც ის მმართველ გუნდს მოუწოდებდა, რომ პარლამენტმა მიიღოს საგანგებო რეზოლუცია, სადაც პირადად გიგა ბოკერია და ოთარ კახიძე  და ევროპული საქართველოს სხვა ლიდერები რეჟიმის სახელით გასამართლდებიან „იმ ჩადენილი დანაშაულებების გამო რაც მათ ხელისუფლებაში ყოფნისას ქართველი ერის წინააღმდეგ ჩაიდინეს“.