რუსი სამხედროების მიერ დაკავებული ორი ქართველი მესაზღვრე ქართულ მხარეს, შესაძლოა დღეს გადმოსცენ
ორი ქართველი მესაზღვრე ამ დრომდე რუსი სამხედროების ტყვეობაში რჩება. ოჯახის ინფორმაციით, კობა მაჭარაშვილისა და გიორგი კერესელიძის გადმოცემა დღეს იგეგმება.
"რუსთავი 2"-ის ინფორმაციით, სასაზღვრო პოლიციის თანამშრომლები რუსმა სამართალდამცველებმა მაშინ დააკავეს, როდესაც საქართველო-რუსეთის საზღვრის დაღესტნის პერიმეტრზე პატრულირებდნენ.
შსს-ს სამინისტროს თანამშრომლები რუსმა სამხედროებმა რამდენიმე დღის წინ აიყვანეს, თუმცა მათ ამის შესახებ მხოლოდ გუშინ ჟურნალისტებისგან გაიგეს.
"რუსთავი 2"-ის ცნობით, საქართველოს ხელისუფლება რუსეთთან ქართველი მესაზღვრეების გადმოცემაზე მოლაპარაკებებს აწარმოებს.
