რეისი ქუთაისი-დორტმუნდი 12:00 საათზე შესრულდება
ქუთაისი-დორტმუნდის ავიარეისი დღეს, 12:00 საათზე შესრულდება, – ამის შესახებ საქართველოს აეროპორტების გაერთიანებაში განაცხადეს. მგზავრებს ამის შესახებ აეროპორტის ხელმძღვანელობამ უკვე აცნობა.
ტექნიკური პრობლემების გამო, ქუთაისის აეროპორტიდან დორტმუნდის რეისი არ შესრულდა. ფრენა დილის 06:00 საათზე იყო დაგეგმილი.
მგზავრების ინფორმაციით, ისინი უკვე საკუთარ ადგილებზე ისხდნენ, თვითმფრინავი დაძრული იყო და ასაფრენად ემზადებოდა, რა დროსაც დაკვამლიანება შენიშნეს. მათივე თქმით, ადგილზე სახანძრო მანქანებიც გამოჩნდა, ხოლო მგზავრებს თვითმფრინავი დაატოვებინეს.
