"ლეიბორისტული პარტიის" ლიდერი შალვა ნათელაშვილი ჭუბერში მომხდარ სტიქიაზე პასუხისმგებლობას ბიძინა ივანიშვილსა და "ქართულ ოცნებას" აკისრებს.

მისი თქმით, სვანეთი ყოველთვის იდგა იმ საფრთხის წინაშე, რაც ხეობაში მოხდა.

მისივე განცხადებით, ჰესების მშენებლობა სვანეთსა და სხვადასხვა რეგიონში კიდევ უფრო მასშტაბურ საფრთხეებს გამოიწვევს.

„რაც მოხდა ცნობილი იყო ადრევე. ჩვენ ამის თაობაზე ვაფრთხილებდით ქვეყანას და საერთაშორისო საზოგადოებას. ალგეთზე და ტანძიაზე ოქროს მოსაპოვებლად რა ჰქმნა ბიძინა ივანიშვილმა ამის თაობაზე ყველა საქმის კურსშია.

მივმართავ გაეროს შეიქმნას საგამოძიებო კომისია, რომელიც შეისწავლის ოლიგარქ ივანიშვილის მიერ ფულის გათეთრების მიზნით საქართველოს დაქცევა-განადგურებისა და ამ მეთოდებით ჰესების მშენებლობის საკითხს", - აღნიშნავს ნათელაშვილი.