ნატო-მ, შესაძლოა, საქართველოსთვის მასში გაწევრიანების პერსპექტივა MAP-ის გარეშე დაუშვას. ამის შესახებ ინფორმაციას სააგენტო „რია ნოვოსტი“ დიპლომატიურ წყაროზე დაყრდნობით ავრცელებს.

ბუქარესტის ნატოს სამიტზე 2008 წლის აპრილში დადასტურდა, რომ საქართველო მომავალში შეიძლება გახდეს ალიანსის წევრი, მისი სტანდარტების გათვალისწინების პირობით.

2014 წლის სექტემბერში ნატოს სამიტის მსვლელობისას უელსში დამტკიცდა პაკეტი, რომელიც ხელს შეუწყობს საქართველოს გაწევრიანებას ალიანსში. 

"მოსალოდნელია, რომ ნატო-ს სამიტი, რომელიც 11-12 ივლისს ბრიუსელში უნდა ჩატარდეს, დაადასტურებს საქართველოსთან მიმართებაში ალიანსის უცვლელ დამოკიდებულებას და განაცხადებს, რომ ვერცერთი მესამე  ქვეყანა ვერ შეძლებს ჩაერიოს ალიანსის გაფართოების პროცესში. არაა გამორიცხული გამოაცხადონ, რომ საქართველოს შეუძლია გახდეს ნატოს წევრი ქვეყანა ნატოს წევრობის სამოქმედო გეგმის გარეშე. ყოველ შემთხვევაში ასეთი დისკუსიები მიმდინარეობს“, - აცხადებს სააგენტო „რია ნოვოსტი“ დიპლომატიურ წყაროზე დაყრდნობით.