მცხეთის სასამართლომ სმიტების ოჯახის მკვლელობაში ბრალდებულს აღკვეთის ღონისძიების სახით პატიმრობა შეუფარდა. 

საქმეზე სასამართლო განხილვა 4 სექტემბერს დაიწყება.

ცნობისთვის, სმიტების ოჯახის სამი წევრის მკვლელობაში ბრალდებულის, მალხაზ კობაურის ადვოკატების მის პატიმრობიდან გათავისუფლებას ითხოვდნენ.

როგორც ადვოკატმა ალუდა ბუჩუკურმა აღნიშნა, არ უნდა დაკმაყოფილდეს პროკურატურის შუამდგომლობა კობაურისთვის აღკვეთის ღონისძიების სახით პატიმრობის შეფარდებაზე.

ბრალდებულის მეორე ადვოკატმა მურმან ნიკოლეიშვილმა აღნიშნა, რომ ბრალდება ერთ ჩვენებაზეა აგებული, რომელიც ბრალდებულს გაურკვეველ ვითარებაში აქვს მიცემული.