მაკრონი მოსკოვში მსოფლიო ჩემპიონატის ფინალს დაესწრება
საფრანგეთის პრეზიდენტი ემანუელ მაკრონი კვირას მოსკოვში მსოფლიო ჩემპიონატის ფინალს დაესწრება. ინფორმაციას Le Figaro ავრცელებს.
ემანუელ მაკრონი მოსკოვში მეუღლესთან ერთად ჩავა. საფრანგეთის პრეზიდენტი დარწმუნებულია, რომ მსოფლიო ჩემპიონატს საფრანგეთი მოიგებს.
წელს მაკრონის ეს უკვე მესამე ვიზიტია რუსეთში. მაისის ბოლოს საფრანგეთის პრეზიდენტმა სანქტ-პეტერბურგში საერთაშორისო ეკონომიკურ ფორუმში მიიღო მონაწილეობა, 10 ივლისს კი ის ნახევარფინალურ მატჩს დაესწრო.
