png.ge
png.ge
png.ge
16+
16 ნოემბერი, 2026, ორშაბათი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
16 ნოემბერი, 2026, ორშაბათი
png.ge

ირაკლი კობახიძე იტალიის პრეზიდენტს შეხვდა

  • პოლიტიკა
  • 17.07.2018
  • 11:26
ირაკლი კობახიძე იტალიის პრეზიდენტს შეხვდა

საქართველოს პარლამენტის თავმჯდომარემ ირაკლი კობახიძემ იტალიის რესპუბლიკის პრეზიდენტი სერჯო მატარელა მიიღო.

მხარეებმა ორმხრივი და მრავალმხრივი ურთიერთობები განიხილეს და სამომავლო თანამშრომლობის შესაძლებლობებზე ისაუბრეს. ყურადღება გამახვილდა საპარლამენტთაშორისო ურთიერთობის კიდევ უფრო გაღრმავებაზე.

ირაკლი კობახიძემ ხაზი გაუსვა ქართული სახელმწიფოებრიობის განვითარებაში იტალიის მხარდაჭერის მნიშვნელობას და პრეზიდენტს იტალიის მიერ საქართველოს სუვერენიტეტისა და ტერიტორიული მთლიანობის მხარდაჭერისთვის მადლობა გადაუხადა.

ირაკლი კობახიძემ საქართველოს საგარეო პოლიტიკის პრიორიტეტებზე ისაუბრა და განაცხადა, რომ ევროპულ და ევროატლანტიკურ სტრუქტურებში ინტეგრაცია არის ქართველი ერის ღირებულებებზე დაფუძნებული არჩევანი.

მხარეებმა რეგიონში უსაფრთხოების მხრივ შექმნილი ვითარება და საქართველოს ოკუპირებულ ტერიტორიებზე არსებული მდგომარეობა განიხილეს. ირაკლი კობახიძემ იტალიის პრეზიდენტს ის პრაგმატული პოლიტიკა გააცნო, რომელსაც საქართველო რუსეთთან მიმართებაში ახორციელებს. საუბარი, ასევე, შეეხო საქართველოს მთავრობის ახალ სამშვიდობო ინიციატივას.

 

შეხვედრაზე, ასევე, იმსჯელეს საქართველოს გეოგრაფიული მდებარეობისა და სატრანზიტო პოტენციალის შესახებ. საქართველოს პარლამენტის თავმჯდომარის თქმით, ხელისუფლების ამოცანაა საქართველოს ისტორიული ფუნქციების აღდგენა და ამ მიზნით მიმდინარეობს შესაბამისი ინფრასტრუქტურის მშენებლობა.

მხარეებმა კულტურულ და ხალხთაშორის ურთიერთობებზე ისაუბრეს. ირაკლი კობახიძემ სერჯო მატარელას იტალიის მხრიდან საქართველოს პარლამენტის ეროვნული ბიბლიოთეკის მხარდაჭერისთვის მადლობა გადაუხადა.

ირაკლი კობახიძემ იტალიის პრეზიდენტს ქვეყანაში განხორციელებული და მიმდინარე რეფორმები, ასევე, საქართველოს პარლამენტის დღის წესრიგი გააცნო.

სერჯო მატარელას განცხადებით, ეს არის იტალიის რესპუბლიკის პრეზიდენტის პირველი ოფიციალური ვიზიტი საქართველოში და მოხარულია, რომ მისი ვიზიტი საქართველოს პირველი დემოკრატიული რესპუბლიკის დაარსების 100 წლისთავს დაემთხვა. პრეზიდენტმა პარლამენტის მნიშვნელობაზე გაამახვილა ყურადღება და ირაკლი კობახიძეს მასპინძლობისთვის მადლობა გადაუხადა. მისი თქმით, საქართველო იტალიისთვის რეგიონში ყველაზე ახლო პარტნიორია. სერჯო მატარელას განცხადებით, იტალია სრულად უჭერს მხარს საქართველოს ტერიტორიულ მთლიანობასა და სუვერენიტეტს და ქვეყნის დასავლურ მისწრაფებებს.

„იტალიის პრეზიდენტის პირველი ვიზიტი მიმდინარეობს საქართველოში და ამ თვალსაზრისით, ის, მართლაც, ისტორიულია. იტალია არის ძალიან მნიშვნელოვანი პარტნიორი საქართველოსთვის როგორც პოლიტიკური, ასევე, ეკონომიკური თვალსაზრისით. ჩვენს შორის არის ძალიან მჭიდრო თანამშრომლობა, მაგრამ დღეს შეხვედრაზეც გაესვა ხაზი, რომ არსებობს ამ თანამშრომლობის კიდევ უფრო გაღრმავების პოტენციალი. ვისაუბრეთ მრავალ საკითხზე, მათ შორის, იმ ვითარებაზე, რომელიც არის საქართველოს ოკუპირებულ ტერიტორიებზე. ჩვენთვის ძალიან მნიშვნელოვანი იყო, რომ იტალიის პრეზიდენტმა კიდევ ერთხელ დაადასტურა მისი ურყევი მხარდაჭერა საქართველოს ტერიტორიული მთლიანობის, არაღიარების პოლიტიკის მიმართ. ეს იყო ძალიან მნიშვნელოვანი გზავნილი და გარდა ამისა, ჩვენი ყურადღება დაეთმო ეკონომიკური თანამშრომლობის საკითხებს, ვისაუბრეთ იმაზე, რომ არსებობს ეკონომიკური თვალსაზრისით კიდევ უფრო შორს წასვლის შესაძლებლობები. იტალია არის მეათე სავაჭრო პარტნიორი საქართველოსთვის, მაგრამ არის ძალიან დიდი ინტერესი საქართველოსთან დაკავშირებით და შეიძლება ამ პოტენციალის გამოყენება",- განაცხადა შეხვედრის დასრულების შემდეგ ევროპასთან ინტეგრაციის კომიტეტის თავმჯდომარე თამარ ხულორდავამ.

 

 

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ავერსის 32-წლიანი ზრუნვის და ერთგულების ისტორია!
  • 14:22
ავერსის 32-წლიანი ზრუნვის და ერთგულების ისტორია!
უკრაინის მიმართ ევროპის მხარდაჭერას გადამწყვეტი მნიშვნელობა აქვს, რადგან აშშ-ის მხრიდან მხარდაჭერა აღარ არსებობს აღარ არის  - ემანუელ მაკრონი
  • 19:51
უკრაინის მიმართ ევროპის მხარდაჭერას გადამწყვეტი მნიშვნელობა აქვს, რადგან აშშ-ის მხრიდან მხარდაჭერა აღარ არსებობს აღარ არის  - ემანუელ მაკრონი
სააპელაციო სასამართლომ ქვეითზე განზრახ დაჯახების ფაქტზე მსჯავრდებულს 10 წლით პატიმრობა მიუსაჯა
  • 19:12
სააპელაციო სასამართლომ ქვეითზე განზრახ დაჯახების ფაქტზე მსჯავრდებულს 10 წლით პატიმრობა მიუსაჯა
თეთრ სახლთან ახლოს სროლის შედეგად ხუთი ადამიანი დაიჭრა
  • 19:09
თეთრ სახლთან ახლოს სროლის შედეგად ხუთი ადამიანი დაიჭრა
უკრაინის მხარდაჭერა უნდა გაგრძელდეს - ფრიდრიხ მერცი
  • 18:56
უკრაინის მხარდაჭერა უნდა გაგრძელდეს - ფრიდრიხ მერცი
„გაიარე მეტი“ „თეგეტა მოტორსთან“ ერთად - როცა მოძრაობა კეთილ საქმეს ემსახურება
  • 13:00
„გაიარე მეტი“ „თეგეტა მოტორსთან“ ერთად - როცა მოძრაობა კეთილ საქმეს ემსახურება
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge