აშშ-ის ელჩი საქართველოში იან კელი აცხადებს, რომ ხელს შეუწყობს მომდევნო არჩევნების მაქსიმალურად სამართლიანად ჩატარებას. არასაპარლამენტო ოპოზიციასთან დღევანდელი შეხვედრის მიზეზად, ელჩმა ქართულ საარჩევნო სისტემაში გარკვევის სურვილიც დაასახელა

,,შეხვედრას ორი მიზეზი აქვს - პირველი მიზეზია ის, რომ მინდა შევხვდე განსხვავებული პოლიტიკური სპექტრის აქტორებს, რომლებიც საქმიანობენ ქართულ პოლიტიკაში. პარლამენტის წევრებთან მქონდა შეხვედრები და ჩავთვალე, რომ მნიშვნელოვანია შევხვდე არასაპარლამენტო ოპოზიციის წარმომადგენლებსაც.მეორე მიზეზია ის, რომ მსურს ინფორმაციის მიღება, რადგან საქართველოში ჩამოსვლის შემდეგ კვლავ შესწავლის რეჟიმში ვარ.. თქვენი საარჩევნო სისტემა ძალიან განსხვავდება ჩვენი სისტემისგან. ჩვენი ერთ-ერთი მთავარი მიზანი გახლავთ უზრუნველყოფა, რომ მომდევნო არჩევნები იყოს მაქსიმალურად თავისუფალი და სამართლიანი. ჩვენ ვცდილობთ ხელი შევუწყოთ საქართველოს, რომ მან ჯანმრთელი და დინამიური დემოკრატიული საზოგადოება განამტკიცოს და მოახდინოს დასავლურ საზოგადოებაში ინეგრაცია", - განაცხადა იან კელიმ. 

ინტერპარტიული ჯგუფის წევრები შეერთებული შტატების ელჩს ხვდებიან. არასაპარლამენტო ოპოზიცია დიპლომატს ყველა იმ პრეტენზიას გააცნობს, რომელიც საარჩევნო სისტემას და საარჩევნო კოდექსში შესატან ცვლილებებს ეხება.