ლოს ანჯელესის პროკურატურამ მსახიობ კევინ სპეისს მოუხსნა ბრალდება სექსუალური შევიწროების შესახებ დანაშაულის ხანდაზმულობის ვადის გასვლის გამო.

ლოს ანჯელესის პროკურორმა მასხიობის მიმართ სექსუალური შევიწროების შესახებ ბრალის წარდგენაზე უარი თქვა, რადგან მისი ხანდაზმულობის 25-წლიანი ვადა ამოიწურა.

ბრალი ასევე მოეხსნა მსახიობ სტივენ სიგალსაც.

ბოლო ერთი წლის განმავლობაში კევინ სპეისი ჰოლივუდში ერთ-ერთი ყველაზე განხილვადი პერსონა გახდა. სერიალ „ბანქოს სახლის“ მთავარი როლის შემსრულებელს კოლეგებისა და არასრულწლოვანების მიმართ სექსუალურ შევიწროებასა და ძლადობაში ადანაშაულებდნენ.

სენსაციური განცხადების შემდეგ მსახიობმა დაკარგა სამუშაო, მეგობრები და პატივისცემა. პორტალ TMZ-ის მონაცემებით, სპეისის ერთ-ერთმა მსხვერპლმა 46  წლის ენტონი რეპმა ის სქსუალურ შევიწროებაში დაადანაშაულა. მისი თქმით, ინციდენტი 30 წლის წინ ერთ-ერთ წვეულებაზე მოხდა.

მსახიობი 1992  წელს მომხდარ მსგავს ინციდენტში კიდევ ერთმა პირმა დაადანაშულა. პროკურატურა დიდი ხნის განმავლობაში სწავლობდა საქმეთა გარემოებებს. მსახიობის წინააღმდეგ დაიწყო გამოძიება სამი გაუპატიურების ბრალდებით.

თუმცა დღეს საქმე ოფიციალურად დაიხურა სასჯელის დასაშვები ვადების ამოწურვასთან დაკავშირებით.