პროექტის „ახალგაზრდული საკრებულო 64 მუნიციპალიტეტში“ ფარგლებში ქუთაისის საკრებულოს სხდომათა დარბაზში „ქუთაისის ახალგაზრდული საკრებულოს“ წევრებმა და პროექტის მენეჯერებმა სკოლის მოსწავლეებთან შეხვედრა გამართეს. ჩატარდა გასაუბრება ახალი წევრების მისაღებად. მოსწავლეები ძირითადად X-ე კლასელებისაგან შედგებოდნენ, რომლებმაც დიდი დაინტერესება გამოთქვეს მიმდინარე პროექტის მიმართ. მნიშვნელოვანია, რომ ახალგაზრდებს გააჩნიათ სხვადასხვა პროექტებში მონაწილეობის გამოცდილება, რაც ერთერთი პრიორიტეტია „ახალგაზრდული საკრებულოს“ წევრობისთვის. ახალგაზრდებმა შეხვედრისას წარმოადგინეს თავიანთი ხედვები, თუ რას განახორციელებენ პროექტში ჩართვის შემთხვევაში.

შეხვედრას „ადამიანი კანონი თავისუფლებას“ თავმჯდომარე, გიორგი ჭულუხაძე ესწრებოდა.

როგორც ორგანიზაციაში აცხადებენ, მოსწავლლების შერჩევა გრძელდება როგორც ქუთაისში, ასევე იმერეთის რეგიონის სხვა მუნიციპალიტეტებში. ყველა ქალაქსა თუ რაიონში ხდება ახალი ნაკადის მიღება და აქტიური ახალგაზრდების ჩართვა თვითმმართველობის მონიტორინგის პროცესში.  ახალგაზრდები გაეცნობიან მუნიციპალიტეტში მიმდინარე პროექტებს, საკრებულოს მუშაობის სპეციფიკას, განახორციელებენ სხვადასხვა აქციებს, ღონისძიებებს და პროექტებს, რაც ხელს შეუწყობს ქალაქის განვითარებას.