შემოსავლების სამსახურის საბაჟო დეპარტამენტის საბაჟო გაფორმების მთავარი სამმართველოს გაფორმების ეკონომიკური ზონის „ბათუმის“ თანამშრომლებმა კომპანიის მიერ 30 ნოემბერს იმპორტის სასაქონლო ოპერაციაში გაცხადებული საქონლის ნაწილი შეაჩერეს, კერძოდ: მაჯის საათები, ნიშანდებული სასაქონლო ნიშნით swatch – 300 ცალი; მაჯის საათები, ნიშანდებული სასაქონლო ნიშნით OMEGA – 92 ცალი.
საქონლის მთლიანი ღირებულება 4,112.63 აშშ დოლარია. 
აღნიშნული საქონელი, სავარაუდოდ, წარმოებულია სსიპ შემოსავლების სამსახურის ინტელექტუალური საკუთრების ობიექტების რეესტრში რეგისტრირებულ სასაქონლო ნიშნებზე swatch და OMEGA უფლებების დარღვევით. 
„ინტელექტუალურ საკუთრებასთან დაკავშირებულ სასაზღვრო ღონისძიებათა შესახებ“ საქართველოს კანონის მე-5 მუხლის თანახმად, საბაჟო დეპარტამენტმა საქონლის გაფორმების პროცედურები 10 სამუშაო დღით შეაჩერა. ინფორმაცია საქონლის შეჩერების შესახებ ეცნობა საქონლისა და სასაქონლო ნიშნის მფლობელებს.