„შემიძლია, დარწმუნებით გითხრათ, რომ ეს არჩევნებიც დამთავრდება ძალიან სერიოზული მარცხით „ნაციონალური მოძრაობისთვის“, - ამის შესახებ პარლამენტის თავმჯდომარემ, ირაკლი კობახიძემ განაცხადა.

ირაკლი კობახიძის თქმით, საპრეზიდენტო არჩევნებისთვის ოპოზიციური პარტია შავ პიარს მიმართავს.

„სხვა შინაარსით ცდილობს „ნაციონალური მოძრაობა“, წარმართოს კამპანია. ის საუბრობს არა მომავალზე, არ თავის ხედვაზე, არამედ დაკავებულია მთლიანად შავი პიარით. ევროპა და ამერიკა არის ძალიან შორს „ნაციონალური მოძრაობიდან“ და ეს იკვეთება ამ საარჩევნო კამპანიაშიც,“ - განაცხადა ირაკლი კობახიძემ.

პარლამენტის თავმჯდომარე აღნიშნავს, რომ ენმ-ს წევრებს არ აქვთ უფლება აგვისტოს ომის თემაზე სხვა გააკრიტიკონ.

„შემიძლია, დარწმუნებით გითხრათ, რომ ეს არჩევნებიც დამთავრდება ძალიან სერიოზული მარცხით „ნაციონალურ მოძრაობისთვის“, კიდევ ერთხელ დასამარდება ეს პარტია. ენმ, მისი ლიდერები, სააკაშვილი, ვაშაძე, გვარამია და ა.შ. ბედავენ და სხვას ესაუბრებიან 2008 წლის ომის თაობაზე, ესენი არიან დამნაშავეები და მათ აქვთ უდიდესი დანაშაული ჩადენილი ჩვენი ქვეყნის და ჩვენი ხალხის წინაშე,“ - განაცხადა კობახიძემ.