დავით უსუფაშვილი უშიშროების საბჭოს დღევანდელ სხდომას დაესწრება
პარლამენტის თავმჯდომარე დავით უსუფაშვილი უშიშროების საბჭოს დღევანდელ სხდომაზე დასწრებას გეგმავს.
როგორც პარლამენტის თავმჯდომარის აპარატში განაცხადეს, უსუფაშვილი სხდომაზე დასწრებას აპირებს, თუკი სხვა რაიმე განსაკუთრებული მოვლენა არ მოხდა.
უსუფაშვილმა სხდომაზე დასწრების სურვილი რამდენიმე კვირის წინ გამოთქვა, თუმცა, მაშინ მან აღნიშნა, რომ უცხოეთში ვიზიტით მიემგზავრებოდა და თუკი იქედან მშვიდობით დაბრუნდებოდა, სხდომას დაესწრებოდა.
უშიშროების საბჭოს სხდომა დღეს,16:00 საათზეა დანიშნული, სადაც ქვეყნის უსაფრთხოების საკითხებზე იმსჯელებენ.
