ტანზანიაში ბორნის ჩაძირვის შედეგად 86 ადამიანი დაიღუპა
ტანზანიაში ვიქტორიას ტბაში ბორნის ჩაძირვის შედეგად 86 ადამიანი დაიღუპა.
ინციდენტის შემდეგ 44 ცხედარი მაშინვე იპოვეს, 42-ს კი დილით მიაგნეს, როდესაც სამაშველო ოპერაცია განახლდა.
ბორანი ტბაში გუშინ გადაბრუნდა. სააგენტო „ფრანს პრესის“ ცნობით, ბორტზე 200 ადამიანი იმყოფებოდა, რაც განსაზღვრულ რაოდენობას ორჯერ აღემატება. ბორანს ასევე გადაჰქონდა ტვირთი.
ზოგიერთი ადგილობრივი ჩინოვნიკის თქმით, ბორანზე 400-ზე მეტი ადამიანი იმყოფებოდა. სამაშველო ოპერაცია გრძელდება.
