თქვენ ფეხქვეშ გათელეთ არასრულწლოვანთა მართლმსაჯულების კოდექსი და არაერთხელ დაარღვიეთ უდანაშაულობის პრეზუმფცია, – ასე მიმართა საპარლამენტო უმრავლესობის წევრმა ანრი ოხანაშვილმა „ევროპული საქართველოს“ წევრებს პარლამენტის ტრიბუნიდან.

როგორც ანრი ოხანაშვილმა აღნიშნა, „ევროპული საქართველოს“ წევრებს თავიანთ გამოსვლებში არც ერთხელ უხსენებიათ, რომ  გ.ჯ. არის პირი, რომელიც დავით სარალიძის მკვლელობის მცდელობისთვის არის პასუხისგებაში მიცემული.

„თქვენ არაერთგზის დაარღვიეთ უდანაშაულობის პრეზუმფცია, მაღალი ტრიბუნიდან გაიძახოდით, რომ თურმე მ.კ. ყოფილა მკვლელი, თუმცა ვერ წარმოადგინეთ ვერც ერთი მტკიცებულება მკვლელობაში მისი დადანაშაულების დადასტურებული გარემოებების შესახებ.

ფეხქვეშ გათელეთ არასრულწლოვანთა მართლმსაჯულების კოდექსი. არც ერთხელ თქვენს გამოსვლაში არ გიხსენებიათ, რომ გ.ჯ. არის პირი, რომელიც დავით სარალიძისმკვლელობის მცდელობისთვის არის პასუხისგებაში მიცემული. მას 13 წლით თავისუფლების აღკვეთა ჰქონდა მისჯილი და იმ არასრულწლოვანთა მართლმსაჯულების კოდექსიდან გამომდინარე, რომელიც მივიღეთ, ერთი მეოთხედით შეუმცირდა სანქცია და დღეს ეს პირი დავით სარალიძის მკვლელობის მცდელობისთვის ცხრა წლითა და ცხრა თვით იხდის სასჯელს საპატიმროში“, – განაცხადა ანრი ოხნაშვილმა.