"ნაციონალური მოძრაობის" ერთ-ერთი ლიდერი, გივი თარგამაძე აცხადებს, რომ  "სპეციალური უსაფრთხოების სამსახურის თანამშრომლებს შეკვეთილი ქონდათ ნიკა გვარამიასა და გიორგი გაბუნიას ცემა".

ამის შესახებ განცხადება გივი თარგამაძემ საგანგებოდ გამართულ ბრიფინგზე გააკეთა და თქვა, რომ მან უშუალოდ შემკვეთის ვინაობაც იცის და დაინტერესების შემთხვევაში მას სამართალდამცველ სტრუქურებს დაუსახელებს.

"რამდენიმე ხნის წინ ჩემთან მოვიდა ადამიანი, რომელსაც ეწვივნენ სახელმწიფო უსაფრთხოების სამსახურის წარმომადგენლები და მისი პირადი პრობლემების მოგვარების სანაცვლოდ, შესთავაზეს, რომ მას შეექმნა გარკვეული ჯგუფი და ფიზიკურად გასწორებოდა, ანუ ეცემა "რუსთავი2"-ის გენერალური დირექტორი, ნიკა გვარამია და გადაცემა "არჩევნის" წამყვანი, გიორგი გაბუნია.

"მინდა, მივმართო შესაბამის ორგანოებს, პირველ რიგში შსს-ს, მათთვის ეს გარემოებები ცნობილია და კეთილი ინებონ, ეს ფაქტი გამოიძიონ.

"გარდა ამისა, ბუნებრივია, თუ ბატონ გაბუნიას, ან ბატონ გვარამიას მიმართ ასეთი ტიპის ანგარიშსწორება განხორციელდება, ან ამ კონკრეტული ადამიანის მიმართ ანგარიშსწორება განხორციელდება, პასუხისმგებლობა ერთმნიშვნელოვნად დაეკისრება დღევანდელ ხელისუფლებას, კონკრეტულად სახელმწიფო უსაფრთხოების სამსახურს და კერძოდ, ბატონ სოსო გოგაშვილს, რომლის პირადი იდეები არის ასეთი ტიპის ღონისძიებების განხორციელება," - აცხადებს გივი თარგამაძე.