"პატრიარქს უნდა ჰქონდეს უფლება, შეიწყალოს პატიმრები," - ეს განცხადება ცოტა ხნის წინ საქართველოს პატრიარქმა გააკეთა და პრემიერ-მინისტრს სთხოვა, მიიღოს შესაბამისი გადაწყვეტილება. 

ეს განცხადება პატრიარქმა  რუსთაველის თეატრში გაახმაურა, სადაც მსჯავრდებული ქალბატონების მონაწილეობით სპექტაკლი დაიდგა. 

წარმოადგენას, პატრიარქის გარდა, პრემიერი, მინისტრები, დიპლომატიური კორპუსისა და არასამთავრობო ორგანიზაციების წარმომადგენლები დაესწრნენ.

ირაკლი ღარიბაშვილს პატრიარქის ინიციატივაზე განცხადება არ გაუკეთებია. თუმცა, მინისტრები და უმრავლესობის წარმომადგენლები ამ ინიციატივას იწონებენ. 

საქართველოს კონსტიტუციის 73-ე მუხლის მიხედვით, მსჯავრდებულთა შეწყალების უფლება მხოლოდ საქართველოს პრეზიდენტს აქვს. ეს კი იმას ნიშნავს, რომ ილია მეორეს ინიციატივის დასაკმაყოფილებლად საკონსტიტუციო ცვლილებებია საჭირო.