პრეზიდენტობის დამოუკიდებელ კანდიდატ სალომე ზურაბიშვილს აფხაზეთთან დაკავშირებით განმარტების გაკეთება მოუწია.

გმირთა მემორიალთან, სადაც სალომე ზურაბიშვილი აფხაზეთში გარდაცვლილთა პატივის მისაგებად მივიდა, ერთ-ერთმა მოქალაქემ მას ჰკითხა, რა იგულისხმა, როდესაც თქვა რომ აფხაზეთი განგრენაა.

სალომე ზურაბიშვილმა უპასუხა, რომ მას ეს არ უთქვამს და ეს სიტყვები თავდაცვის ყოფილ მინისტრს, ირაკლი ოქრუაშვილს ეკუთვნის.

სალომე ზურაბიშვილი აფხაზეთში გარდაცვლილთა პატივის მისაგებად, პარლამენტის თავმჯდომარესთან, ირაკლი კობახიძესთან ერთად მივიდა.

სოხუმის დაცემიდან 25 წელი გავიდა.

ცნობისთვის, "რუსთავი 2"-თან ინტერვიუში თავდაცვის ყოფილმა მინისტრმა ირაკლი ოქრუაშვილმა განაცხადა, რომ სალომე ზურაბიშვილი მასთან ამტკიცებდა, აფხაზეთი განგრენაა, რომელიც უნდა მოვიშოროთო.