ქუთაისში, საფიჩხიეს სასაფლაოზე 45 წლის მამაკაცის ცხედარი იპოვეს
ქუთაისში, საფიჩხიეს სასაფლაოს ტერიტორიაზე მამაკაცის ცხედარი იპოვეს. არსებული ინფორმაციით, ურთიერთშელაპარაკების ნიადაგზე 45 წლის მამაკაცს ცეცხლსასროლი იარაღით რამდენიმე ჭრილობა მიაყენეს. მას თავის არეში ორი ტყვია აქვს ნასროლი.
მიმდებარე ტერიტორიაზე მცხოვრებლები ამბობენ, რომ არც ხმაური და არც გასროლის ხმა გაუგიათ.
ადგილზე საგამოძიებო მოქმედებები გვიანობამდე მიმდინარეობდა.
შინაგან საქმეთა სამინისტრომ მომხდარზე გამოძიება, სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
