ხაშურის სასამართლოში პატიმარმა ბადრაგი მძევლად აიყვანა
ხაშურის რაიონულ სასამართლოში - პატიმარმა ბადრაგს იარაღი წაართვა, მძევლად აიყვანა და მისი გათავისუფლების სანაცვლოდ, ფულს და ტრანსპორტს მოითხოვდა. ინციდენტის დროს არავინ დაშავებულა. არსებული ინფორმაციით, ეჭვმიტანილი - განსასჯელი რამაზ ფიცხელაურია, რომელსაც ყაჩაღობა ედება ბრალად.
ინციდენტი ხაშურის სასამართლოში მალევე ამოიწურა. პატიმარი, რომელმაც ბადრაგი მძევლად აიყვანა, ციხეშია დაბრუნებული. სასჯელაღსრულების დეპარტამენტის ინფორმაციით, პატიმარს გაქცევის მცდელობა ჰქონდა, რაც მალევე აღიკვეთა.
