გედსდენის ოლქის შერიფის განცხადებით, ფლორიდაში მამაკაცი მას შემდეგ დაიღუპა, რაც მის სახლს ხე დაეცა და გასასვლელი ჩაიხერგა. მაშველებმა მის სახლამდე მისვლა ჩახერგილი გზების გამო ვერ შეძლეს.

ქარიშხლის მეორე მსხვერპლი 11 წლის ბავშვი გახდა. ის სემინოლის ტბის სიახლოვეს დაიღუპა. მისი გარდაცვალების ზუსტი გარემოებები ჯერ დაუდგენელია.

ქარიშხალი “მაიკლი“ სანაპიროზე გადმოსვლის შემდეგ მნიშვნელოვანდ შესუსტდა, მანამდე ქარის სიჩქარე საათში 250 კმ-ს შეადგნდა.

გუშინ ქარიშხალი, რომლის ცენტრიც ჯორჯიის ცენტრალურ ნაწილში იმყოფებოდა, ტროპიკულ შტორმამდე შესუსტდა, ქარის მაქსიმალური სიჩქარე საათში 120 კმ-ს შეადენდა. ქარიშხლისგან მიყენებული პოტენციური ზიანი მილიარდ დოლარს შეადგენს.