40 დაღუპული და ასობით დაკარგული - უგანდაში მეწყერის შედეგად დაღუპულთა რაოდენობა გაიზარდა
უგანდაში მეწყერის ჩამოწოლის შედეგად დაღუპულთა რაოდენობამ 40-ს მიაღწია.
მანამდე 25 დაღუპულის შესახებ იყო ცნობილი.
ბუდუდის ოლქის მცხოვრებლების თქმით, მეწყერი გადაუღებელმა წვიმებმა გამოიწვია. სტიქიას მსხვერპლთა რაოდენობა შესაძლოა კიდევ გაიზარდოს, რადგან დაუდასტურებელი მონაცემებით, ძნელადმისადგომ რაიონებში ასობით ადამიანია დაკარგული.
დაზარალებულ რაიონებში სამაშველო ბრიგადებია გაგზავნილი.
