8-დღიანი ძებნის შემდეგ მაშველებმა 5 წლის ბავშვის ცხედარი იპოვეს, რომელიც ესპანეთის კუნძულ მაიორკაზე წყალდიდობის შედეგად იყო დაკარგული.

შედეგად სტიქიის მსხვერპლთა რაოდენობა 13-მდე გაიზარდა, მათგან ორი დიდი ბრიატანეთის მოქალაქეა, ერთი გერმანიის და ერთი ჰოლანდიის.

5 წლის ბავშვი დედასთან და დასთან ერთად ავტომობილით მგზავრობდა, როდესაც წყალდიდობა დაიწყო. დედამ 7 წლის ქალიშვილის გადარჩენა შეძლო, თუმცა ის და ბიჭი წყლის ნაკადმა გაიტაცა.

ბიჭის ძებნაში ასობით ადამიანი მონაწილეობდა. მისი ცხედარი ნანგრევების ქვეშ სან-ლორენსოს სიახლოვეს იპოვეს, რომელიც წყალდიდობისგან ყველაზე მეტად დაზარალდა.

მაიორკაზე 9 ოქტომბერს წყალდიდობა ძლიერმა წვიმებმა გამოიწვიეს. რომელიც ბოლო 25 წლის განმავლობაში ყველაზე მასშტაბური აღმოჩნდა. დაზიანდა ასობით სახლი, ავტომობილები წყალმა ზღვისკენ გაიტაცა, შეწყდა საავტომობილო მოძრაობა, ხოლო სასწავლო დაწესებულებები დაიხურა.