წყალწაღებული ბიძინას ეჭიდებოდაო, ეგრეა მაგათი საქმე, - გაერთიანებული ოპოზიციის „ძალა ერთობაშია“ საპრეზიდენტო კანდიდატმა გრიგოლ ვაშაძემ „ევროპული საქართველოს“ მისამართით განაცხადა.

მან „ევროპული საქართველოს“ ვაი ოპოზიცია უწოდა.

„ამ წუთებში, ვაი ოპოზიცია და ვითომ ოპოზიცია იძახის, რომ „ნაციონალური მოძრაობა“ რევანშისთვის მოდის და არ მისცეთ ამის საშუალებაო. გვარებს არ დავასახელებ და თქვენ იცით, ისინი არიან დემოკრატები და ზალიკო უდუმაშვილი რევანშისთვის მოდის? გაგიგიათ ასეთი უტიფარი თავხედობა? მაგრამ, წყალწაღებული ბიძინას ეჭიდებოდაო, ეგრეა მაგათი საქმე“,- განაცხადა ვაშაძემ. 

ცნობისთვის, პრეზიდენტობის კანდიდატის დავით ბაქრაძის განცხადებით, ხელისუფლება ცდილობს გამოაჩინოს, რომ ქვეყანა ორი ალტერნატივის წინაშეა - ან იქნება ზურაბიშვილი და ჭაობი, ან ენმ და რევანში.

„ევროპული საქართველოს“ გენერალურმა მდივანის, გიგი უგულავას თქმით, კი, ბიძინა ივანიშვილი მიხეილ სააკაშვილს იყენებს, როგორც სასარგებლო საფრთხობელას.