ჯორჯ სოროსის სახლთან ასაფეთქებელი მოწყობილობა იპოვეს
აშშ-ში, ნიუ იორკის შტატში მილიარდერის, ფინანსისტისა და ინვესტორის ჯორჯ სოროსის სახლთან ასაფეთქებელი მოწყობილობა იპოვეს.
New York Times-ის ცნობით, ინციდენტი უესტჩესტერის ოლქში მოხდა. პოლიციამ საეჭვო ნივთების შესახებ შეტყობინება მიიღო. გავრცელებული ცნობით მოწყობილობა მენაღმეებმა გააუვნებელყვეს.
სოროსი ამ დროს სახლში არ იმყოფებოდა. საქმე გამოძიების ფედერალურ ბიუროს გადაეცა.
