საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე 8 დეკემბერს ევროსაბჭოს საპარლამენტო ასამბლეის იურიდიული საკითხთა და ადამიანის უფლებათა დაცვის კომიტეტის სხდომაში მიიღებს მონაწილეობას.

ევროსაბჭოს საპარლამენტო ასამბლეის იურიდიულ საკითხთა და ადამიანის უფლებათა დაცვის კომიტეტის დღის წესრიგით რამდენიმე მნიშვნელოვანი საკითხის განხილვაა დაგეგმილი, მათ შორის, ევროპის საბჭოს წევრ ქვეყნებში ადამიანის უფლებათა დამცველების როლისა და დაცვის გაძლიერება.

კომიტეტის წევრები იმსჯელებენ თუ როგორ უნდა აღიკვეთოს შეუსაბამო აკრძალვები არასამთავრობოების აქტივობებზე ევროპაში. განსაკუთრებული აქცენტი გაკეთდება ადამიანის უფლებათა დამცველების უფლებების დაცვაზეც.

ეკა ბესელია საქართველოში ადამიანის უფლებათა დაცვის სფეროში უკვე განხორციელებულ პროექტებზე და რამდენიმე კონკრეტულ ფაქტზე გაამახვილებს ყურადღებას.