დღეს, 28 ოქტომბერს, ქვეყნის ისტორიის 28-ე არჩევნებზე, საქართველოს მოსახლეობა მე-5 პრეზიდენტს ირჩევს. არჩევნებში 25 კანდიდატი მონაწილეობს.

1990 წლიდან დღემდე ჩატარდა 28 არჩევნები, აქედან: 7 საპრეზიდენტო, 9 საპარლამენტო, 9 აჭარის უმაღლესი საბჭოსა და 6 ადგილობრივი თვითმმართველობის არჩევნები. აგრეთვე 1 რეფერენდუმი და 2 პლებისციტი.

არჩევნების ქრონოლიგია კი ასეთია:

1990 წლის 28 ოქტომბერს, საქართველოს დამფუძნებელი კრების არჩევიდან სამოცდაათი წლის შემდეგ, შესაძლებელი გახდა დემოკრატიული, მრავალპარტიული არჩევნების ჩა

ტარება. არჩევნებში 14 პოლიტიკური პარტია მონაწილეობდა. არჩევნები ჩატარდა შერეული სისტემით. არჩეულ იქნა უზენაესი საბჭოს 250 (125 პროპორციული და 125 მაჟორიტარული სისტემით) დეპუტატი 5 წლის ვადით.

1991 წლის 26 მაისი (პირველი) საპრეზიდენტო არჩევნები. დამოუკიდებელი საქართველოს პირველი პრეზიდენტი გახდა ზვიად გამსახურდია.

1992 წლის 11 ოქტომბერი საპარლამენტო არჩევნები. მონაწილეობდა 36 პოლიტიკური

პარტია და საარჩევო ბლოკი. ბარიერი გადალახა 24­მა პარტიამ. საარჩევნო ბარიერი 2% იყო;

1995 წლის 5 ნოემბრის საპარალამენტო არჩევნები. არჩევნებში მონაწილეობდა 53 პარტია. ბარიერი გადალახა სამმა პარტიამ.  საარჩევნო ბარიერი 5% იყო;

1995 წლის 5 ნოემბრი საპრეზიდენტო არჩევნები. არჩევნებში მონაწილეობა მიიღო 6-­მა კანდიდატმა. საქართველოს პრეზიდენტი გახდა ედუარ შევარდნაძე.

1998 წლის 15 ნოემბერი ადგილობრივი წარმომადგენლობითი

ორგანოების – საკრებულოების არჩევნები.

1999 წლის 31 ოქტომბრის საპარლამენტო არჩევნები. არჩევნებში მონაწილეობა მიიღო 45–მა პარტიამ. 7 %­იანი ბარიერი გადალახა 3-მა პარტიამ.

2000 წლის 9 აპრილის საპრეზიდენტო არჩევნები. არჩევნებში მონაწილეობა მიიღო 6–მა კანდიდატმა. საქართველოს პრეზიდენტი გახდა ედუარ შევარდნაძე.

2002 წლის 2 ივნისის ადგილობრივი თვითმმართველობის ორგანოს - საკრებულოს არჩევნები.

2003 წლის 2 ნოემბრის საპარლამენტო არჩევნები (გაუქმებული).არჩევნებში მონაწილეობდა 18 პარტია. პროპორციული სისტემით საპარლამენტო არჩევნებ ში 7%­-იანი ბარიერი გადალახა 6-მა პარტიამ.

2004 წლის 4 იანვრის (რიგგარეშე) საპრეზიდენტო არჩევნები. არჩევნებში მონაწილეობა მიიღო 6–მა კანდიდატმა. საქართველოს პრეზიდენტი გახდა მიხეილ სააკაშვილი.

2004 წლის 28 მარტის (ხელახალი) საპარლამენტო

არჩევნები. არჩევნებში მონაწილეობდა 17 პარტია და 7%­იანი ბარიერი გადალახა 2-მა პარტიამ.

2006 წლის 5 ოქტომბრის ადგილობრივი თვითმმართველობის

ორგანოს - საკრებულოს არჩევნები.

2008 წლის 5 იანვრის (რიგგარეშე) საპრეზიდენტო არჩევნები. არჩევნებში მონაწილეობა მიიღო 7­მა კანდიდატმა. საქართველოს პრეზიდენტი გახდა მიხეილ სააკაშვილი.

2008 წლის 21 მაისის საპარლამენტო არჩევნები. არჩევნებში მონაწილეობდა 12 პარტია და 5%­იანი ბარიერი გადალახა 5-მა პარტიამ.

2010 წლის 30 მაისის ადგილობრივი თვითმმართველობის ორგანოს - საკრებულოს და ქ. თბილისის მერის არჩევნები. ქ. თბილისის მერად არჩეული იქნა გიორგი უგულავა.

2012 წლის 2 ოქტომბრის საპარლამენტო არჩევნების ანგარიში - არჩევნებზე ცესკომ რეგისტრაციაში 18 სუბიექტი გაატარა, აქედან მხოლოდ ორი საარჩევნო ბლოკი. აუცილებელი 5% ბარიერი მხოლოდ ორმა ძალამ გადალახა.

2013 წლის 27 ოქტომბრის საპრეზიდენტო არჩევნები. არჩევნებში  23 კანდიდატი მონაწილეობდა. საქართველოს პრეზიდენტი გახდა გიორგი მარგველაშვილი.

2014 წლის 15 ივნისის ადგილობრივი თვითმმართველობის წარმომადგენლობითი და აღმასრულებელი ორგანოების არჩევნები. თბილისის მერი გახდა დავით ნარმანია.

2016 წლის 8 ოქტომბრის საპარლამენტო არჩევნები. არჩევნებში ცესკომ 25 სუბიექტი გაატარა.  აუცილებელი 5% -იანი ბარიერი სამმა ძალამ გადალახა.

2017 წლის 21 ოქტომბრის მუნიციპალიტეტის წარმომადგენლობითი ორგანოს – საკრებულოსა და თვითმმართველი ქალაქის/თვითმმართველი თემის მერის არჩევნები. თბილისის მერი კახა კალაძე გახდა.