პეკინის ხელისუფლება საგანგებო ღონიძიებების გატარებას შეუდგა, მას შემდეგ რაც ჩინეთის დედაქალაქში სმოგის გამო საფრთხის ”წითელი” დონე გამოცხადდა.

დროებით მუშაობა შეწყვიტეს ქარხნებმა და ფაბრიკებმა, რამდენიმე დღით შეჩერებულია სამშენებლო სამუშაოები. პოლიცია გზებზე ავტომობილების რაოდენობას არეგულირებს, მანქანების რაოდენობა წინა დღეებთან შედარებით ორჯერ არის შემცირებული. ქალაქში დაკეტილია სკოლებიც. შეზღუდვები სავარაუდოდ კიდევ ორ დღეს გაგრძელდება.

პეკინის ზოგიერთ რაიონში ჰაერის დაბინძურების დონე კუბურ მეტრზე 265 მიკროგრამს შეადგენს, მაშინ როცა ადამიანის უსაფრთხოებისთვის ეს მაჩვენებელი კვადრატულ მეტრზე 25 მიკროგრამზე მეტი არ უნდა იყოს. ამასთან გზებზე ხილვადობა 100 მეტრია.

სმოგის მიზეზად ქვანახშირზე მომუშავე საწარმოების გამონაბოლქვი და სამშენებლო მტვერი სახელდება.