ახმეტის მუნიციპალიტეტის სოფელ მატანში საფლავები დაარბიეს
ახმეტის მუნიციპალიტეტის სოფელ მატანში 10- მდე საფლავი დაარბიეს. ადგილობრივების ინფორმაციით, წაღებულია მონუმენტები, დამტვრეული და განადგურებულია საფლავის ქვები და მოპარულია მესერის ჯაჭვები.
მოსახლეობა დამნაშავის დასჯასა და მათ დროულ გამოვლენას ითხოვს. მათი თქმით, აუცილებელია საფლავებს დარაჯი იცავდეს.
ადგილობრივების ინფორმაციით, პროცესი თითქმის სამი კვირის განმავლობაში მიმდინარეობს.
შსს- ს ინფორმაციით, ფაქტზე გამოძიება 177-ე, ქურდობის მუხლით დაიწყო.
