ზაზა სარალიძის სასამართლო პროცესი რუსთავში დღეს გაიმართება
ხორავას ქუჩაზე მოკლული დავით სარალიძის მამის, ზაზა სარალიძის სასამართლო პროცესი რუსთავის რაიონულ სასამართლოში დღეს გაიმართება. სხდომა 16:00 საათზეა ჩანიშნული.
სახელმწიფო ბრალდება სასამართლოს სარალიძისთვის აღკვეთის ღონისძიების სახედ გირაოს შეფარდებას მოითხოვს.
საქმე ეხება რუსთაველის გამზირზე სარალიძის დაკავებას. ის სამართალდამცავზე თავდასხმის ბრალდებით, სსკ-ის 353-ე პრიმა მუხლით დააკავეს. ეს მუხლი ეხება წინააღმდეგობას, მუქარას, ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ და ისჯება ოთხიდან შვიდ წლამდე პატიმრობით.
