ტელეწამყვანს პირდაპირ ეთერში გულის შეტევა დაემართა (ვიდეო)
თურქეთის ქალაქ ესქიშეჰირის ადგილობრივი ტელეარხის სპორტულ კომენტატორს შურქ ოითანს პირდაპირ ეთერში გულის შეტევა დაემართა. (ვიდეო)
ოითანი სტუდიიდან მუშაობდა და ეროვნული ჩემპიონატის ერთ-ერთ მატჩს განიხილავდა. ტექსტის კითვისას, წამყვანი მოულოდნელად გაჩუმდა, მცირეხნიანი დუმილის შემდეგ მან თავი მაგიდაზე დადო, შემდეგ კი სკამიდან გადავარდა.
ოითანის კოლეგები თავდაპირველად ვერ მიხვდნენ, რა მოხდა, თუმცა სასწრაფო დახმარების ბრიგადა მალე გამოიძახეს.
ჟურნალისტი საავადმყოფოში გადაიყვანეს. ამჟამად მისი მდგომარეობა სტაბილურია.
