ვაჟა ფშაველას გამზირზე მკვლელობა მოხდა
თბილისში, ვაჟა-ფშაველას გამზირზე მკვლელობა მოხდა. როგორც „რუსთავი 2“ იუწყება, მოკლული ქალია.
არსებული ინფორმაციით, მკვლელობას წინ ინციდენტი უძღოდა, თუმცა მონაწილე პირთა რაოდენობა უცნობია. შსს-ს ცნობით, სამართალდამცველებმა დანაშაულის ჩამდენი პირი ადგილზე დააკავეს.
ადგილზე მთელი ღამის განმავლობაში მუშაობდნენ ექსპერტ-კრიმინალისტები. შინაგან საქმეთა სამინისტრო მკვლელობის ფაქტს ადასტურებს.
გამოძიება 108-განზრახ მკვლელობის მუხლით მიმდინარეობს.
