საქართველოს ყოფილი პრეზიდენტი მიხეილ სააკაშვილი ვიდეომიმართვას ავრცელებს და საქართველოს მოსახლეობას მიმართავს. სააკაშვილი მოსახლეობას ჰპირდება, რომ გამარჯვების შემთხვევაში  აუცილებად გაზრდიან პენსიას და შეუმსუბუქებენ საბანკო ტვირთს.

„ჩვენ დავაბრუნებთ წასულ ქართველებს და შევქმნით პირობებს რომ ჩვენი ახალგაზრდობა რჩებოდეს საკუთარ ქვეყანაში და საკუთარ ქვეყანაში არსებობდეს ღირსეულად. ჩვენ აუცილებლად ავწევთ პენსიას, როგორც დაგპირდით, ჩვენ აუცილებლად შეგიმსუბუქებთ საბანკო ტვირთს, როგორც დაგპირდით და არასოდეს არ მოგვიტყუებიხართ. მაგრამ ეს ყველაფერი მხოლოდ ახლაა დამოკიდებული თქვენზე. ჩვენ გამარჯვებიდან გვაშორებს სულ რამდენიმე საათი, მაგრამ ახლა ყველანი უნდა აღმოვჩნდეთ მოწოდების სიმაღლეზე. ძალიან დიდი იმედი მაქვს თქვენი პატრიოტიზმის, თქვენი ღირსების. საქართველოს სჭირდება ცვლილება, ცვლილების გარეშე ის დაიღუპება. საქართველო არის დაღუპვის პირას, და მხოლოდ ხვალინდელი გამარჯვება და ცვლილება რომელიც მოყვება ამ გამარჯვებას, გადაარჩენს მას და გაიყვანს სამშვიდობოზე“,  - ამბობს მიხეილ სააკაშვილი.