პარტია „ქართული ოცნება – დემოკრატიული საქართველოს“ თავმჯდომარე ბიძინა ივანიშვილმა საპრეზიდენტო არჩევნების მეორე ტურში ხმა უკვე მისცა. ბიძინა ივანიშვილი მთაწმინდის მეოთხე საარჩევნო უბანზე ოჯახის წევრებთან ერთად მივიდა.

„არჩევანი გავაკეთეთ, რა თქმა უნდა, ღირსების, სამართლიანობისა და განვითარებისთვის, რათა საბოლოოდ უარი ვუთხრათ სიცრუეს, ძალადობას და არ მოვახერხოთ, რომ დავბრუნდეთ უკან. ის წლები კარგად გახსოვთ, როდესაც ძალა, ვინც წარმოადგენს დღე „ქართული ოცნების“ მხარდაჭერილი კანდიდატის ოპონენტს, მათი ხელწერა კარგად ვიცით. კარგად იგრძნობა მოსახლეობის მობილიზება, რათა საბოლოოდ უარი ვუთხრათ ძალადობას და სიცრუეს. რა თქმა უნდა, ექსცესების მცდელობები იქნება, ვისი ხელწერაც არის ეს, კარგად იცით, ვინც დააფუძნა მსგავსი ექსცესები“, – განაცხადა ბიძინა ივანიშვილმა.