უამრავ სიცრუეს ყრის „რუსთავი 2“, სირცხვილია. უცხოელები არიან გაოგნებული იმ სიცრუის ნაკადით, რაც მოდის „რუსთავი 2“-იდან, - ამის შესახებ პარტია „ქართული ოცნება – დემოკრატიული საქართველოს“ თავმჯდომარე ბიძინა ივანიშვილმა საპრეზიდენტო არჩევნების მეორე ტურში ხმა მიცემის შემდეგ განაცხადა.

„თქვენი ტელევიზია იქნება ძალიან გამამაცებული ამაში და მონაწილეც იქნება, სამწუხაროდ, მაგრამ მობილიზება მეორე მხრიდანაც არის საკმარისზე მეტი. თქვენც ნახეთ, რომ პიარსა და სიცრუეს მეორე ტურში ღირსეულად უპასუხა „ქართულმა ოცნებამ“, ასევე მოხდება დღესაც. მცდელობები იქნება ძალიან დიდი. უამრავ სიცრუეს ყრის „რუსთავი 2“, სირცხვილია. უცხოელები არიან გაოგნებული იმ სიცრუის ნაკადით, რაც მოდის „რუსთავი 2“-იდან. უამრავი სიცრუე მოდის ტელევიზიებიდან, 10-დან ცხრა შემთხვევაში, როგორც წესი, ნებისმიერი გაჟღერებული ინფორმაცია „რუსთავი 2“-ზე, როგორც წესი, თუ 10-ვე არა, ცხრა არის სიცრუე. მაგრამ მოსახლეობის მობილიზება არის ძალიან კარგი. დამკვირვებლებიც კარგად გაერკვნენ, ჩემი აზრით“, – აღნიშნა ბიძინა ივანიშვილმა.