საქართველოს ყოფილი პრეზიდენტი მიხეილ სააკაშვილი ვიდეომიმართვას ავრცელებს.

„მე ვფიქრობ, ახლა არის ძალიან მნიშვნელოვანი, იმ პირობებში, როცა ბიძინა ივანიშვილი და მისი ბანდა ცდილობს ამ მოღალატე ქალის გაყვანას და ორგანიზებულად მოჰყავთ ხალხი, ჩვენც, ყველანი ორგანიზებულად, მშვიდად, კარგად წავიდეთ საარჩევნო უბნებთან, გადავურეკოთ ჩვენს ახლობლებს, ნათესავებსმეგობრებს, ყველას, მეზობლებს დაველაპარაკოთ და ყველა წავიყვანოთ არჩევნებზე”, - ამბობს სააკაშვილი.

ის დარწმუნებულია, რომ ხალხის დიდი ნაწილი, რომელიც ივანიშვილს მიჰყავს არჩევნებზე ხმას გრიგოლ ვაშაძეს აძლევს.

 „მე დარწმუნებული ვარ, რომ დიდი ნაწილი ხალხის, ვინც ივანიშვილს მიჰყავს ორგანიზებულად არჩევნებზე, ხმას აძლევს ცვლილებას, ხმას აძლევს გია ვაშაძეს, ხმას აძლევს საქართველოს გადარჩენას და ხმას აძლევს მოღალატე ქალის წინააღმდეგ“, - აღნიშნავს მიხეილ სააკაშვილი