სალომე ზურაბიშვილი, რომელმაც საქართველოში საპრეზიდენტო არჩევნებში გაიმარჯვა, bbc-ის რუსული ბიუროსთვის მიცემულ ინტერვიუში ამბობს, რომ თუ რუსეთთან დიალოგი შედგება ეს საქართევლოს პარტნიორების თანადგომით უნდა მოხდეს. BBC-ის რუსული ბიურო საქართველოს არჩეულ პრეზიდენტთან ვრცელ ინტერვიუს აქვეყნებს.

BBC: რუსეთთან მოლაპარაკებების გარეშე კონფლიქტის გადაჭრა შეუძლებელია.

სალომე ზურაბიშვილი: ჩვენ უნდა ვაწარმოოთ დიალოგი მომავალში, მაგრამ  რუსეთთან მარტო არ უნდა დავრჩეთ. ის საერთო დიალოგის ნაწილი უნდა იყოს. თუ დიალოგი შედგება, ეს ჩვენი პარტნიორების ხელმძღვანელობითა და მათი თანადგომით უნდა მოხდეს.  

მოლაპარაკებების დროს, რომელსაც რუსეთთან ვაწარმოებდი, მოლაპარაკებების ყოველ სესიამდე და მის შემდეგ კონსულტაციებს გავდიოდი ევროკავშირის ხელმძღვანელობასა და ამერიკის საელჩოსთან და მოლაპარკებების მეორე მხარემ იცოდა ამის შესახებ და თანხმდებოდა მას.

ეს საქართველოს მკაფიო პოზიციაა: ჩვენ ვერ გაგვაბრიყვებენ და მე არ ვიქნები ის პრეზიდენტი, რომელიც გაბრიყვდება.

ჩვენ უნდა ჩამოვაყალიბოთ ჩენი პოზიცია და შევათანხმოთ ევროპელ პარტნიორებთან და თუ ისინი რუსეთთან დილოგის მიმართულებით წავლენ, დარწმუნებულნი უნდა ვიყოთ, რომ საქართველოს განზე არ დატოვებენ, რომ საქართველოს პრინციპები - სუვერენიტეტი, ტერიტორიული მთლიანობა, მოლაპარაკებების ნაწილი და საიმედოდ დაცული იქნება, - ამბობს სალომე ზურაბიშვილი ინტერვიუში.