ამერიკის შეერთებული შტატები მოელის თანამშრომლობას საქართველოს არჩეულ პრეზიდენტთან სალომე ზურაბიშვილთან - ამის შესახებ 29 ნოემბერს, ვაშინგტონში სახელმწიფო დეპარტამენტში გამართულ ბრიფინგზე პრესსპიკერის მოადგილემ რობერტ პალადინომ განაცხადა.

პალადინოს თქმით, აშშ მოელის საქართველოს არჩეულ პრეზიდენტთან მჭიდრო ორმხრივ თანამშრომლობას, მნიშვნელოვანი და რეგიონული საკითხების კონტექსტში. მჭიდრო და მყარი ურთიერთობების გაგრძელებას უსაფრთხოებისა და ავღანეთის მტკიცე მხარდაჭერის მისიაში.

ცენტრალური საარჩევნო კომისიის მონაცემებით, საპრეზიდენტო არჩევნების მეორე ტურში „ქართული ოცნების“ მხარდაჭერილმა კანდიდატმა, სალომე ზურაბიშვილმა გაიმარჯვა.  მან ამომრჩეველთა ხმების 59, 52 პროცენტი მიიღო, რაც რაოდენობრივად 1 147 627 ხმაა.