სამწუხაროა, რომ სანიკიძე ინტელექტუალურ რესურსს მხოლოდ იმისთვის იყენებს, რომ თავი რადიკალური განცხადებებით წარმოაჩინოს, - ამის შესახებ საქართველოს პარლამენტის ვიცე-სპიკერმა გია ვოლსკიმ ყოფილი დეპუტატის, გუბაზ სანიკიძის განცხადებასთან დაკავშირებით აღნიშნა.

გუბაზ სანიკიძეს მხოლოდ ერთი გზა დარჩენია, რომ სკანდალური განცხადება გააკეთოს, რათა როგორმე პოლიტიკურ ცხოვრებასა და პოლიტიკურ ველს დაუბრუნდეს, – აღნიშნა ვოლსკიმ.

"სამწუხაროა, რომ სანიკიძე ინტელექტუალურ რესურსს მხოლოდ იმისთვის იყენებს, რომ თავი რადიკალური განცხადებებით წარმოაჩინოს", - განაცხადა ვოლსკიმ.

გუბაზ სანიკიძემ განაცხადა, რომ თუ ქვეყანას რევოლუცია დასჭირდა, რევოლუცია იქნება.

„ხელისუფლებას, მივმართავ, ჩემო ძვირფასებო, ბევრი ჩემი მეგობარი ხართ, ქვეყანა აქეთ არ წაიყვანოთ, თორემ პარიზს შეხედეთ, ყვითელჟილეტიანები ხელისუფლებას რას უშვებიან და ხელისუფლება როგორ იქცევა, დღეს საფრანგეთის პრემიერ-მინისტრი გამოვიდა და გამოაცხადა, რომ უნდა დავუთმოთ ამ ხალხსო. არ ხართ იმპერატორები, არ ხართ მაგრები, ძალიან სუსტად ხართ. მე რევოლუციის არ მეშინია, დასჭირდება ამ ქვეყანას რევოლუცია, მოხდება რევოლუცია. თუ არაფერს შეცვლით, თუ საარჩევნო გარემოს არ შეცვლით, თუ არჩევნები არ ჩატარდება აქ ნორმალურად, საქართველო მიიღებს რევოლუციას და მე კი არ ვარ ამის გარანტორი, ხალხია ამის გარანტორი“, – განაცხადა გუბაზ სანიკიძემ.